Do 18 o 26 de Agosto, o Boom Festival propón unha programación onde o coñecemento se funde co teatro, a música dialoga con instalacións e o ambiente público en ambiente natural propón o contacto coas artes. Galizaelectrónica fixo unha selección do mais destacado para esta nova edición. Lembrade que o festival terá lugar en Idanha a Nova en menos de dúas semanas.

A mañá do 16 de agosto de 1997, unhas 3.000 persoas se xuntaban nunha rave á que chamaron Boom Festival, organizada por God Mood. Fundada por Diogo Ruivo e Pedro Cavallo, God Mood e o Boom Festival foron visións e ilusións compartidas por estes dous mozos e os seus coñecidos mais cercanos. Apoiados por decenas de artistas descoñecidos comezaron a construír unha plataforma colaborativa para crear e desenrolar novas ideas procedentes de xente experimentada en diferentes traxectorias artísticas.

O Boom Festival estará limitado a 26.000 persoas este ano para evitar grandes aglomeracións, feito que a organización considera positivo para potenciar a empatía entre as persoas e favorecer un ambiente máis familiar. A última fase para adquirir tickets acaba de comezar e termina no mes de Xuño. Para os que pensedes en asistir este ano ao festival ésta é a última oportunidade para adquirir tickets online ou a través dos embaixadores delegados*. A organización pretende vender a totalidade de tickets vía online ou a través dos embaixadores que representan cada país no mundo: só no caso de que os 26.000 tickets non sexan vendidos antes do mes de Xullo, os restantes serán postos a disposición en taquilla. Ademais non existe este ano a modalidade de ticket diario, os que queiran asistir 3, 4 ou 5 días, en lugar dos 8, deberán abonar a totalidade do importe. Fontes consultadas por Galizaelectrónica explicábannos que estas limitacións, que poden por en perigo a economía de moitos, son un intento por parte dos organizadores para potenciar a familiaridade entre os asistentes á rave e evitar que persoas alleas á filosofía desta, veñan para só unha ou dúas noites, desestabilizando así a coherencia da unidade que tentan potenciar.

A praia fluvial da Azambuja recebeu o ano pasado a máis de 2200 tranceros na II Edición de KIN &THE FOUR ELEMENTS, open air rave anual organizada pola promotora portuguesa PSYART. A KIN &THE FOUR ELEMENTS III Edición espera duplicar aforo este ano con promesas de mellor calidade e maior diversidade musical así como o convencimento de poder garantizar  un ambiente repleto de boas vibracións trás o anunciado cartel internacional de luxo con xigantes do trance psy e progresivo como GMS, MASTER MARGHERITE, HYDRA, SPIN, ALTERNATIVE CONTROL, ELEKTRA, KHOPAT, HYBRIS, AZAX SYDROM, ZEN BABOON, MYRAH, PENA, AMBIONS INDAGES, M&MS ANESTETIC, CREATIVE EXPERIENCE e DJ HIGH entre outros.